असोज ७,, काठमाडौं । सार्वजनिक यातायातको भाडा १० प्रतिशतले बृद्धीहुने भएको छ ।सरकारले यातायात व्यवसायीको माग पूरा गर्न भन्दै १० प्रतिशत भाडा बढाउने निर्णय गरेको हो ।
भौतिक पूर्वाधार तथा यातायात व्यवस्था मन्त्रालयमा हिजो (शनिबार) भएको यातायात व्यवसायीसँग र सरकारको वार्तामा इन्धनमा भएको मूल्यवृद्धिलाई आधार मानेर १० प्रतिशत भाडा बढाउने सहमति भएको भएको मन्त्रालयका सचिव मधुसुदन अधिकारीले जानकारी दिए। वार्तामा उपभोक्ता मञ्चको प्रतिनिधि सहित सुरक्षा निकायबाट समेत प्रतिनिधित्व थियो ।
असोज ५ बाट खुल्ने भनेको अग्रीम टिकट बुकिङ व्यावसायिले सरकारसंग विभिन्न माग राख्दै खोलेका थिएनन् । यो सहमतिसँगै अग्रिम टिकट बुकिङ गर्न व्यवसायी सहमत भएको बताइएपनि कहिलेदेखि खुल्ला गर्ने भन्नेमा चाँही तोकिएको छैन । बढेको भाडादर आइतबारदेखि नै लागू हुनेगरी यातायात व्यवस्था विभागले सिफारिस गर्ने दुई पक्षबीच सहमति भएको छ।
